Купови несобран и расфрлан смет во пластични вреќи со денови стои на влезот во скопскиот Транспортен центар. Сликата со мини дива депонија и смрдеа ги пречекува странските туриати кои за првпат ќе стигнат на Меѓународната автобуска станица Скопје и ќе излезат кон населба Аеродром. Недостојната слика за главниот град ја добиваат и сите патници кои со автобус или со воз пристигнуваат и заминуваат од Скопје.
Градските комунални служби не го собираат насобраниот смет, но не ни расчистуваат остатоци од ѓубре, пластика, хартија и прав кој е насобран на и околу двата паркинзи кај автобуската станица. Со валканите и неисчистени паркинзи стопанисува уште едно скопско јавно претпријатие-Градскиот паркинг за што наплатува и по час паркирање.
Оваа влезна слика за туристите и патниците кои пристигнуваат во главниот град се шири и низ цело Скопје кое постојано станува се повалкано и понечисто. Градоначалничката Данела Арсовска и Комунална хигиена се одговорни за чистењето и хигиената во главниот град.
Еве што забележа камерата на Телма