Наполи ова лето може да остане без тренерот Лучијано Спалети под чие водство клубот ја освои шампионската титула во Серија А по цели 33 години. Италијанските медиуми шпекулираат дека Спалети е во лоши односи со претседателот на клубот Аурелио де Лаурентис.
Искусниот италијански стратег има уште една година од договорот, но очигледно е дека ќе си замине уште ова лето.
Медиумите на Апенините веќе шпекулираат со имињата на новиот предводник на Наполи за кој игра и македонскиот репрезентативец Елиф Елмс. Прв кандидат би бил Антонио Конте, но во игра е и Рафаел Бенитез, кој веќе еднаш работеше во Неапол.
Интерес од Наполи има и за тренерот на Аталанта, Џанпјеро Гасперини и Винченцо Италијано од Фиорентина.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.