Продолжува очајната игра на Голден Стејт на гостински паркет сезонава откако утринава загуби кај Мемфис со 131-110. Актуелниот шампион има само седум победи во гости и 26 порази. Гризлис трет натпревар се без првата ѕвезда Џа Морант, кој е суспендиран, па Тајус Џонс беше најдобар со 22 поени и 11 асистенции, Џарен Џексон Јуниор имаше 21 поен, како и Дезмонд Бејн. Кај Голден Стејт најмногу се истакна Стеф Кари со 29 поени.
Милвоки ја запиша 19-тата победа на последните 20 натпревари откако го совлада Бруклин со 118-113. Бакс беа без Јанис Адетокумпо, кој е болен, но затоа тука беше Брук Лопез кој го водеше тимот со 24 поени, 10 скока и дури 9 блокади, додека Боби Портис имаше 28 поени и 13 скока. Пети Милс со 23 поени беше најдобар кај Нетс.
НА ОСТАНАТИТЕ НАТПРЕВАРИ
Детроит – Шарлот 103-113
Индијана – Хјустон 134-125 (пп)
Орландо – Јута 124-131
Сакраменто – Њујорк 122-117