На улиците „Никола Парапунов“ и „Волгоградска“ во скопските населби Карпош 3 и 4, контејнерите од двете страни на коловозот се преполни со отпад, при што се шири непријатен мирис.
Околу нив се забележуваат несобрани и расфрлани кеси со ѓубре, што може да доведе до развој на бактерии, инфекции и вируси, како и до појава на стаорци.
Овој проблем постоеше и пред почетокот на кампањата за локалните избори, продолжи и за време на предизборниот период, кога беа дадени ветувања дека градот ќе биде чист и дека контејнерите редовно ќе се празнат.
Сепак, од тогаш до денес, состојбата останува непроменета.
Контејнерите на овие две улици континуирано не се празнат и се преполни со отпад.
Ова е сосотјбата пред просториите каде порано беше сместена Општина Карпош
Теа Димковска