Киев мора одлучно да тргне во казнено гонење на корумпираните политичари, ако Украина сака да се придружи на Европската Унија, предупреди висок службеник во Брисел. Пораката доаѓа во време на растечки притисок врз украинскиот претседател, Володимир Зеленски поради сè побројните обвинувања за корупција во неговиот потесен круг, пишува „Политико“.
Во интервју за порталот, европскиот комесар за правосудство Михаел МекГрат порача дека европските власти нема да поддржат влез на земја кандидат како Украина во ЕУ, доколку не докаже дека има ефикасен состав за искоренување на криминалот во самиот државен врв.
МекГрат одговораше на прашања за завера за проневера на околу 100 милиони долари од украинскиот енергетски сектор. Истрагата се шири и опфаќа високи функционери блиски до Зеленски и неговата влада. Кратко по изјавата на МекГрат, истражители за борба против корупција извршија претрес во простории на еден од најмоќните луѓе во Украина, Андреј Јермак кој потоа поднесе оставка на функцијата.
Комесарот МекГрат нагласи оти истите правила се применуваат за сите кои сакаат да станат дел од Унијата. и додаде дека „владеење на правото и реформи во правосудството се срцето на процесот на придружување“.
