Поради големиот интерес, повторно ќе се издава граѓанска обврзница. Од Министерството за финансии соопштија дека утре ќе се исплатат парите од претходната – на сметките на граѓаните ќе легнат 17,6 милиони евра и камата од 880 илјади евра.
Втората граѓанска обврзница Министерството за финансии ја издаде на 7 ноември 2023 година, со рок на достасување од две години и камата од 5 отсто годишно.
Овој нов инструмент беше воведен пред две години за да се збогати понудата. Досега се издадени две во вкупен износ од над 41 милион евра.
Новата граѓанска обврзница се очекува да биде издадена до крајот на годинава. Минимумот за купување на една ваква обврзница изнесува 10 илјади денари.
T.Д.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.