Да добиете одговор на прашањето да се наведет барем неколку македонски писатели, не е нималку лесно, доколку тие анкети се вон саемите на книга, книжарниците и книжевните промоции.
На самиот почеток нашата замисла беше граѓаните да наведат барем пет домашни автори, без оглед на која генерација тие автори припаѓаат, сепак се задржавме на три, затоа што првите обиди се покажаа безуспешни.
Во секоја анкета се отвораат прашања за кои вреди да се размислува: дали доволно го познаваме творештвото на македонските писатели и колку е важно да се има национална стратигија во промоција на истото.
Во кои периоди е значајно да се навратиме на сето она што е создадено низ историјата до денес, во исто време да бидеме во тек со современата книжевна сцена која бележи успех со бројни признанија и преводи во светски рамки.
Нина Стефанова