Вести Култура

Проекција на филмот „Божиќното танго“ во режија на Никос Кутелидакис

Амбасадата на Грција во Скопје организира проекција на филмот „Божиќното танго“ во режија на Никос Кутелидакис во рамки на серијата филмски проекции насловена „Ајде да се запознаеме“. Целта е да се прикажат современи грчки филмови кои, како што посочуваат, беа многу сакани од публиката во Грција, но и во странство.

Базиран на најпродаваниот роман на Јанис Ксантулис „Божиќното танго“ е романтична драма која се одвива за време на подготовките за Божиќниот бал во еден грчки воен камп во 70 тите години. Поручникот Стефанос Караманидес, е еден строг војник кој има само една желба – да ја покани на танц својата тајна љубов, Зои, сопругата на полковникот Манолис Лонгос.

За остварување на таа цел, Стефанос Караманидес ќе побара помош од еден млад, срамежлив и чувствителен војник, од Лазарос, да му одржи часови по танго. Нивната кратка, но пресудна средба ќе биде поттик за низа настани кои ќе кулминираат со танго.  Божиќното танго, еден ден кој ќе ги промени засекогаш животите на тројцата главни ликови. Филмот постигнал голем успех на кино благајните и добил три награди од Грчката филмска академија.

Проекцијата ќе се одржи во Кинотеката, во петок, 6 декември, во 19:00 часот. По проекцијата, публиката ќе има можност да постави прашања и да добие одговори за филмот од  продуцентот Јанис Ексиндарис, најавуваат од Амбасадата.

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

Кос: Северна Македонија треба да го промени Уставот за да напредува во пристапувањето кон ЕУ

Дејан Дејан

Која е втората истрага за тајните служби во Македонија

Дејан Дејан

Македонија ќе бара помош од САД во поглед на евроинтеграциите

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе