Пратеникот во Европскиот парламент, Фреди Белери кој беше градоначалник на јужната албанска општина Химара утрово беше гаѓан со јогурт и јајца додека излегуваше од албанскиот парламент во Тирана.
Белери според медиумите од Албанија бил гаѓан од активистот, Дилавер Нел, обвинувајќи го дека е одговорен за вооружениот напад врз албанската воена база во 1994 година, кога биле убиени двајца албански војници.
Белери беше дел од делегацијата на ЕП која е во посета на Албанија. МНР на Грција реагираше со осуда на нападот со јогурт и јајца врз Белери, кој претходно беше суден за корупција и иако повторно победи на локалните избори не успеа да положи заклетва по што ја изгуби функцијата.
Денеска Белери одржа прес конференција во Тирана и само на грчки јазик при што го обвини албанскиот премиер Еди Рама дека ги мрази Грците и дека ако Албанија не ги почитува европските стандарди за малцински права ќе има застој во албанскиот пат кон ЕУ членство.
Белери тврдеше дека невин и без докази бил држен во затвпр со месеци.
Владеачката грчка партија “Нова демократија” го кандидираше Белери за пратеник на европските озбори и тој беше избран додека беше во затвор во Албанија.
Во продолжение, видеото од денешниот инцидент.