Шефот на надворешната и безбедносната политика на ЕУ, Жозеп Борел упати силен повик нуклеарните капацитети да не бидат цел на конфликти.
Повикот на Борел за воздржаност доаѓа поради загриженоста дека Израел може да планира да ги нападне иранските нуклеарни локации по нападот врз Израел од страна на Иран пред два дена.
Амбасадорот на Иран во ОН рече дека неговата земја лансирала речиси 200 проектили кон Израел во вторникот како одвраќање за понатамошно израелско насилство, додека неговиот израелски колега го нарече баражот „акт на агресија без преседан“.
А израелскиот премиер Бенјамин Нетанјаху вети дека ќе возврати.
Воздушните напади продолжуваат, копнената офанзива не запира.
Израел со предупредување во жителите во јужен Либан- да не се враќаат дома.
Има загинати од либанска и од израелска страна.
Првата порака што сакам да ја пренесам денес е силниот повик за барање на Европската унија да не се напаѓаат нуклеарните постројки. Европската унија отсекогаш била на цврста позиција во однос на нападот врз кој било нуклеарен објект во светот. Ова беше нашиот став во Украина или во Русија кога се појави оваа можност. Овие напади се крајно опасни и имаат сериозен потенцијал да создадат последици од непроценливи размери.Парадоксално, овие напади не помагаат ништо за палестинската кауза и не прават ништо за намалување на страдањата на палестинскиот народ. Единственото решение по 7 октомври е прекин на огнот во Газа. Стоп за нападите врз палестинското население на Западниот Брег. вклучувајќи го и Ерусалим и прекин на огнот во Либан изјави Борел