Uncategorized Вести Свет

Нетанјаху го распушти воениот кабинет – за војната во Газа ќе се советува со мала група на министри

Израелскиот премиер Бенјамин Нетанјаху го распушти шестчлениот воен кабинет. На таквата негова одлука претходеше излез од владата на поранешниот генерал и центрист Бени Ганц поради недостаток на план за Газа. Тоа ќе наиде на разочарување на тврдата политичка линија во земјата која бара продолжување на бомбардирањето на Појасот и покрај противењето на сојузниците.

Воениот кабинет беше формиран во раната фаза на војната во Газа, на 11 октомври лани, по приклучувањето на Ганц во владата на национално единство и израелската објава на војна на Хамас, како одговор на нападот на палестинската милитантна група на 7 октомври.

Нетанјаху сега се соочува со барањата на национално-верските партнери во коалицијата за нивно вклучување во воената влада. Но, евентуално таквиот потег би ги зголемил тензиите со маѓународните партнери, вклучувајќи ги и САД.

Израелскиот премиер се очекува да се советува за војната во Газа со мала група на министри, меѓу кои се и првиот човек на одбрана Јоав Галант и за стратешки прашања Рон Дермер кои и досега беа дел од воениот кабинет.

Вашингтон, во меѓувреме, продолжува со испораките на оружје за Израел и малку е веројатно дека Нетанјаху е подготвен да ги запре нападите во Газа.

Сашко Димовски

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

(ВИДЕО/ФОТО) Изгаснат пожар во Лисиче. Можел да зафати и куќи

Дејан Дејан

Триесет членови, 24 министерства и седум потпретседатедели – Црна Гора има нова влада

Дејан Дејан

Убиство на гостиварско Дебреше – застрелан помлад жител на селото

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе