Првите мерки за заштита од ценовни шокови, се очекуваат да стапат на сила од ноември. Уште два месеца граѓаните ќе се снаоѓаат.
Што точно ќе биде донесено се уште не се знае. Вицепремиерто Битиќи, како и неговите колеги Бесими и Бектеши потенцира дека ќе бидат за ранливи категории, а не за трговијата, со што се отвора прашањето дали ќе има замрзнување на цени и ограничени маржи, или пак ќе биде ограничена помош за одредена категорија на граѓани. Тој бил денеска на средба со првиот човек на комисијата за заштита на конкурентноста и тврди дека во најскоро време комисијата ќе направи проверка дали има карталско договарање на цени, но колку ќе трае постапката не се знае затоа што процесот е долг и може да трае и цела година.
Битиќи очекува на денешната владина седница да се донесат и мерки за млечната криза.