Фудбалерите на Шкупи во второто коло од квалификациите за настап во Конференциската лига на УЕФА вечерва од 21 часот го пречекуваат бугарскиот претставник Левски.
По лесната елиминација на Хегелман за Чаирчани ова е нов голем предизвик на европската сцена и составот предводен од Чихат Арслан ќе се обиде да ја искористи предноста на домашниот терен и да обезбеди предност која ќе му донесе мирен реванш за седум дена во Софија.
Фудбалерите на Шкупи се свесни дека задачата нема да биде нималку лесна, но тие веруваат своите квалитети и се надеваат на нова победа со што ќе се продолжи настапот во третото по ранг европско клупско натпреварување.
Мечот се игра на арената Тодор Проески, а почетокот е закажан за 21 часот.
ФОТО: Игор Паневски
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.