Ал Хилал за Мбапе ќе плати милијарда евра

Клубовите од Саудиска Арабија и натаму доминираат на фудбалскиот пазар, а се чини дека Ал Хилал е на прагот да го реализира најсензационалниот трансфер во историјата.

Пари Сен Жермен ја прифати понудата од 300 милиони евра за предвремен раскин на договорот со Килијан Мбапе, а францускиот репрезентативец за соработка со Ал Хилал ќе инкасира неверојатно 700 милиони.

Понудата е ставена на маса, Пари Сен Жермен даде позитивен одговор, но сега останува да види како ќе реагира еден од најдобрите фудбалери на планетава, кој упорно стои на ставот дека не сака да си замине од клубот и дека сака да остане и во следната сезона, а потоа како слободен играч да потпише договор со Реал Мадрид.

ФОТО: Игор Паневски