Само еден ден откако беа потврдени 18. клуба кои во новата сезона ќе се борат за трофејот во кошаркарската Евролига, објавен е календарот за новото издание на елитното натпреварување.
Првото коло ќе се одигра на петти и шести октомври, а според календарот првиот дел од натпреварувањето завршува на 12 април следната година.
На 16 и 19 април ќе се одиграат двете средби од плеј инот кој за прв пат се воведува во новата сезона. Разигрувањето за трофејот почнува на 23 април и најдоцна треба да заврши на осми мај.
Завршниот турнир на кој ќе настапат четирите најдобри екипи ќе се одржи во периодот од 24 до 26 мај, а домаќин на решавачките дуели за трофејот ќе биде Берлин.
Според распоредот на натпреварите во новата сезона планирани се седум двојни програми кога во една недела екипите ќе одиграат по два меча.
Од вкупно седум четири двојни програми ќе има во декември и јануари.
Трофејот од минатата сезона го брани мадридски Реал.