Феникс го отпушти тренерот Вилијамс

Само еден ден по елиминацијата во разигрувањето за шампионската титула Феникс му врачи отказ на тренерот Монти Вилијамс.

Смената на Вилијамс доаѓа само една година откако го освои признание за најдобар тренер во лигата, а под негово водство Феникс во 2021 година беше дел од големото финале во кое беше поразен од Милвоки.

Тој е втората тренерска “жртва” во последниве десетина дена откако претходно и Милвоки реши да му врачи отказ на Мајк Буденхолзер.

Вилијамс пред ангажманот во Феникс работеше како дел од стручниот штаб во Портланд и Филаделфија, а од 2010 до 2015 го предводеше Њу Орлеанс.

Додека седеше на клупата на Феникс, Вилијамс имаше скор од 194 победи и 115 порази, а во разигрувањето забележа 27 триумфи и имаше 19 загубени натпревари.