Ракометарите на Вардар го одбранија трофејот во Купот на Македонија откако во финалниот натпревар што се одигра во Охрид го совлада Еурофарм Пелистер со 26:25.
Црвено-црните уште од самиот почеток на мечот имаа предност која во еден момент изнесуваше и пет погодоци, а на одмор Вардар замина со водство од 16:12.
Во продолжението Битолчани се доближија на негатива од два гола, а во 42. минута преку Пешевски стигнаа до минус еден, но потоа составот предводен од Владо Недановски повторно ја презема контролата на резултатот и на 12 минути од средбата стигна до водство од 24:19.
Завршницата од натпреварот им припадна на ракометарите на Еурофарм Пелистер кои направија серија од 4:0 и повторно стигнаа до заостанување од еден погодок.
Вардар одговори со два гола во низа и обезбеди помирна завршница во која Еурофарм Пелистер повторно стигна до минус еден, но веќе немаше време за евентуално израмнување.
Најефикасни во составот на Вардар со по седум погодоци беа Моралес и Дутра, а пет пати меѓу стрелците се запиша Талески.
Во составот на Еурофарм Пелистер по пет гола постигнаа Суси и Хосни.
ФОТО: Денис Дуковски (www.24rakomet.mk)