Крстевски: Подолг период не можам да го финансирам Вардар, преговараме со странска компанија за преземање на клубот

Фудбалерите на фудбалскиот клуб Вардар, стручниот штаб и навивачите денеска се огласија до јавноста и побараа актуелниот сопственик Слободан Крстевски да го предаде раководењето со клубот на друго лице. „Црвено-црните“ иако се на врвот на Втората лига, тие работат и играат во очајни услови и без плати речиси цела сезона. Спортскиот директор Александар Бајевски, стручниот штаб на чело со Бобан Грнчаров и навивачката групата Комити преземаат голем товар од функционирањето на клубот.

Поради беспарицата тие самите ги покриваат трошоците за пат на натпреварите, ручеците, перењето на дресови и сите останати основни потреби што ги има еден фудбалски клуб. Ситуацијата е алармантна затоа „вардарци“ бараат Крстевски да го отстапи клубот на друг газда, кој ќе биде подготвен и ќе може финансиски да го води клубот.

Денеска со свое соопштение се огласи и самиот Крстевски. Тој презема одговорност за финансиската ситуација поради крахот на неговата приватна компанија. Крстевски го презема клубот, кога беше на работ на егзистенција од претходниот сопственик, но е горд што успеал барем да го одржи во живот нашиот најголем фудбалски клуб.

Сопственикот на Вардар им изрази благодарност на сите вработени во клубот за трпението и најави дека е во преговори со странски спонзор, кој е подготвен да го преземе клубот.

Во продолжение во целост соопштението на Слободан Крстевски.