Косовскиот премиер Албин Курти на кафе средба со претседателот на ДУИ Али Ахмети во Охрид каде за денеска е планирана нова средба меѓу српскиот претседател Александар Вучиќ и Курти во рамки на дијалогот Белград-Приштина.
На средбата присуствува и министерот за надворешни работи Бујар Османи, кој е и партиски портпарол.
На снимката на екипата на ТВ Телма се гледа дека Ахмети речиси цело време му објаснува нешто на косовскиот премиер кој слуша и повремено се вклушува во разговорот.
Средбите од дијалогот треба да почнат во 10 часот, европските претставници, високиот претставник за надворешни работи Жосеп Борел и ЕУ претставникот за дијалогот меѓу Белград и Приштина Мирослва Лајчак првин ќе имаат одвоени средби со Вучиќ и Курти, а потоа ќе се организира заедничка средба.
Процесот има американска поддршка, а во Охрид на средбите ќе присуствува и специјалниот пратеник за Западен Балкан на САД Габриел Ескобар.
Целта на дијалогот е нормализација на односите меѓу Белград (Србија) и Косово (Приштина) согласно документот подготвен од Европската Унија.
Од Охрид за Телма известуваат, Миомир Серафиновиќ, новинар и Фахрудин Смаилагиќ, снимател.
Белград-Приштина дијалог Охрид.
Belgrade-Pristina dialogue Ohrid.
Косовскиот премиер Албин Курти на кафе средба со претседателот на ДУИ Али Ахмети во Охрид. На средбата присуствува и министерот за надворешни работи Бујар Османи. pic.twitter.com/BjMfJ2Yle6— ТВ Телма (@tv_telma) March 18, 2023