Од среда (1 јули) започнува целосната забрана за движење во шумите поради зголемена опасност од појава на шумски пожари на отворен простор, мерка што ќе трае до 31 август, соопшти министерството за земјоделство, шумарство и водостопанство (МЗШВ).
„Движењето во шумите ќе биде дозволено единствено со писмено одобрување издадено од страна на подружниците на ЈП „Национални шуми“ и Националните паркови, соодветно за подрачјето со кое управуваат“, информира МЗШВ.
Од таму додаваат дека за непочитување на забраната за движење во шумите и шумското земјиште, на физички лица кои ќе бидат затекнати да се движат во шума и шумско земјиште, согласно член 106 од Законот за шумите, ќе им се изрече глоба од 1.500 до 2.000 евра во денарска противредност.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.