Еден од приоритетите на Манчестер Јунајтед во летниот преоден рок е засилување на напаѓачката линија.
Во изминатиов период се споменуваа неколку опции, но се чини дека најблиску до реализација е трансферот на Коло Муани кој оваа сезона игра во одлична форма.
Откако стана јасно дека 24-годишниот репрезентативец на Франција летово има реални шанси да ја смени средината Ајнтрахт Франкфурт објави дека е подготвен да ја прекине соработката која важи до 2027 година доколку неговиот иден клуб плати обештетување од 100 милиони евра.
Според пишувањето на медиумите во Германија, Ајнтрахт може и дополнително да заработи од трансферот на Коло Муани бидејќи во трката за негово ангажирање се вклучи и Пари Сен Жермен и се шпекулира дека сумата на крајот може да достигне и 120 милиони евра која била понудена од Манчестер Јунајтед.
Во моментов Коло Муани е четврти стрелец во Бундес лигата со 11 гола, а ако се земат в предвид сите конкуренции тој 16 пати се запишал во листата на стрелците и има 14 асистенции.
ФОТО: Игор Паневски