Со видео-посвета на скопскиот прозен хроничар, писателот Благоја Иванов, кој неодамна не’ напушти започна промоцијата на новото прозно дело „Луѓето, а не градот“ на Снежана Младеновска Анѓелков во издание на ИЛИ – ИЛИ. Дело посветено на старо Скопје, градот кој веќе го нема, но кој сепак и понатаму живее во сеќавањата на неговите жители.
Книгата е еден вид на „Музеј на сеќавањата“, скопски маала кои постоеле и веќе ги нема, кои постоеле и сè уште постојат, некои останале само во сеќавањата на нивните жители. Кои се нештата кои ќе останат секогаш мапирани во тој „Музеј на сеќавањата“ ?
За нејзиниот прв роман „Единаесет жени“ Младеновска- Анѓелков ја доби наградата „Роман на годината“ на „Утрински весник“, и истиот потоа доживеа уште две изданија. Вториот роман „Молчи со отворена уста“ беше финалист за истата награда.
Нина Стефанова
