Лошите резултати во досегашниот тек од сезоната и проблемите со играчкиот кадар со кој се соочува менаџерот Јирген Клоп го принудија раководството на Ливерпул за летниот преоден рок да обезбеди голем буџет за засилувања на екипата.
Клубот од Енфилд покрај нови имиња во дефанзивата ќе се обиде да го засили и средниот ред, а на листата на потенцијални кандидати за трансфер се четири имиња.
Приоритет за Ливерпул е ангажирањето на еден од најталентираните фудбалери во Европа, Џад Белингам за кој Борусија Дортмунд бара обештетување од 150 милиони евра, потоа како потенцијално засилување се потенцира Матуеш Нуњез од Вулверхемптон, 21-годишниот Еквадорец, Моисес Каиседо од Брајтон кој се проценува на 80 милиони и еден од клучните играчи во средниот ред на Интер, Николо Барела.
За првите тројца конкуренцијата за комплетирањето на трансферите е жестока и сигурно дека ќе мора да се издвои голема сума додека вредноста на Барела е уште поголема. Тој со Интер има договор до 2024 година, а откупната клаузула изнесува 155 милиони евра.
ФОТО: Игор Паневски