Познати се осминафиналните двојки во Лига Европа. Жрепката реши Манчестер Јунајтед повторно да патува во Шпанија додека еден од фаворитите за освојување на трофејот Арсенал ќе се соочи со Спортинг Лисабон.
Тимот од Олд Трафорд за место меѓу осумте најдобри ќе се сретне со Бетис, Рома за противник го доби Реал Сосиедад, а Шахтар Доњецк ќе игра со Феенорд.
Фенербахче на македонскиот репрезентативец Езгијан Алиоски во првиот натпревар ќе и гостува на Севилја, а еден од кандидатите за титулата во Германија, Унион Берлин за пласман во четврт-финалето ќе води битка со Унион Сен Жилоа.
Јувентус повторно има голем предизвик во Лига Европа и ќе игра против Фрајбург, а третиот германски претставник Баер Леверкузен ќе се соочи со Ференцварош.
Првите натпревари се играат на деветти март, а реваншите се седум дена подоцна. Финалето ќе се игра на 31 мај, а домаќин е Пушкаш Арената во Будимпешта.
ФУДБАЛ – ЛИГА ЕВРОПА
ОСМИНАФИНАЛЕ
УНИОН БЕРЛИН – УНИОН
СЕВИЛЈА – ФЕНЕРБАХЧЕ
ЈУВЕНТУС – ФРАЈБУРГ
БАЕР Л. – ФЕРЕНЦВАРОШ
СПОРТИНГ Л. – АРСЕНАЛ
МАНЧЕСТЕР Ј. – БЕТИС
РОМА – РЕАЛ СОСИЕДАД
ШАХТАР ДОЊЕЦК – ФЕЕНОРД
ФОТО: Игор Паневски