Лос Анџелес лејкерс конечно ја прекинаа лошата серија од три порази по ред и славеа на гостувањето кај шампионот Голден Стејт со 109-103 во натпревар во кој недостигаа првите ѕвезди на двата тима, Леброн Џејмс и Стеф Кари поради повреди.
Денис Шредер ги предводеше гостите со 26 поени, но одличен натпревар имаше и повратникот во составот Дианџело Расел со 15 поени, шест асистенции и пет скока.
Никола Јокиќ го запиша 20-тиот сезонски трипл-дабл и го однесе ослабениот Денвер до триумф од 119-105 на гости кај Шарлот. Српскиот центар имаше 30 поени, 16 скока и 10 скока, а Нагетс беа без Арон Гордон и Џамал Мареј.
Лука Дончиќ и Кајри Ирвинг го одиграа првиот натпревар заедно, но Далас загуби со 133-128 од Сакраменто во продолжение. Ирвинг имаше 28 поени, Дончиќ 25, но ова беше натпревар на Деарон Фокс од Кингс, кој реализираше 36 поени.
НА ОСТАНАТИТЕ НАТПРЕВАРИ
Бруклин – Филаделфија 98-101
Орландо – Мајами 103-107 (продолжение)
Вашингтон – Индијана 127-113
Атланта – Сан Антонио 125-106
Њујорк – Јута 126-120
Кливленд – Чикаго 97-89