Селекторот на фудбалската репрезентација на Италија, Роберто Манчини во пресрет на почетокот на квалификациите за Европското првенство го загрижува фактот што во националното првенство само двајца домашни играчи се меѓу десетте најдобри стрелци.
“Во минатото имавме проблеми со дефанзивци и играчи од средниот ред. Сега е многу тешко да се најде класичен напаѓач. Младите фудбалери ако не можат да изборат место во клубовите од Серија А, мора да заминат надвор од Италија”, изјави Манчини.
Серија А е единствениот шампионат од петте најсилни лиги во Европа каде домашните стрелци се во втор план.
Лидер на листата е Виктор Осимен од Наполи со 16 погодоци, четири помалку има неговиот сонародник од Нигерија и член на Аталанта, Адемола Лукман, а идентичен број на погодоци има и Лаутаро Мартинез од Интер.
Италијански фудбалер нема ниту меѓу шесте најдобри бидејќи следуваат М’Бала Нзола од Специја, Австриецот, Марко Арнаутовиќ кој настапува за Болиња и Португалецот во дресот на Милан, Рафаел Леао.
Првиот домашен фудбалер на оваа листа е Матија Закањи од Лацио кој е десетти со осум гола, еден повеќе од тимскиот колега Чиро Имобиле и тоа се сите Италијанци кои се наоѓаат меѓу 20-те најефикасни во Серија А.
Италијанската јавност врши притисок во националниот тим да се повика Виченцо Грифо кој во дресот на Фрајбург постигнал девет гола како напаѓачот на Стеауа, Андреа Кампања кој со 14 гола всушнот е најпродуктивниот Италијанец во некоја од лигите во Европа.
Италија е дел од квалификациската група во која покрај Англија, Украина и Малта настапува репрезентацијата на Македонија.
ФОТО: Игор Паневски