Еден од најталентираните млади фудбалери во Европа, Џад Белингам се смета дека ќе биде најголемата ѕвезда на летниот преоден рок.
Деветнаесет годишниот репрезентативец на Англија по завршувањето на сезоната ќе ја напушти Борусија Дортмунд, а идниот клуб на Белингам за предвремен раскин на договорот ќе мора да плати обештетување меѓу 100 и 150 милиони евра.
Интерес за Белингам во моментов покажуваат Реал Мадрид, Манчестер Јунајтед, Манчестер Сити, а како најсериозен кандидат за негово ангажирање се смета Ливерпул.
Германските медиуми пишуваат дека Јирген Клоп инсистира тој летово да дојде на Енфилд, а како клучен момент во реализацијата на трансферот се очекува средбата со младиот Англичанец и обидот да го убеди дека токму преселбата во Ливерпул ќе биде вистинскиот потег во неговата кариера.
ФОТО: Игор Паневски