Лекарите алармираат на земјава и се заканува епидемија од морбили, доколку не порасни процентот на вакцинирани деца. Податоците за имунизирани деца до 12 месеци се далеку помалку во споредба од пред три години, кога и беше прогласена епидемија со мали сипаници.
Опфатот на вакцинација конкретно во Штип е нешто понизок кај првата доза која ја примаат дванаесетмесечни деца. Лекарите велат дека дека родителите често ја одложуваат вакцинацијата, односно чекаат детето да прооди или да прозбори, па да ја прими вакцината. Коцева-Миланова забележува дека вообичаено родителите ги носта децата за вакцинација по втората година.
Здравствените власти сметаат дека еден изолиран случај би можел да предизвика нарушување на епидемиолошката состојба во државата. Во соседна Србија веќе постои страв од прогласување на епидемија, а алармот го вклучи и Црна Гора. Во 2019 година првите случаи на морбили се појавија во градинка во Скопје, по што заразата по кратко време се прошири и низ останатите градови.
Викторија Димитрова Јованова
