Максвел Фрејзер, или попознат под сценското име Макси Џез од британската музичка група Фејтлес (Faithless) почина на 65 годишна возраст. Џез починал во сон во својот дом во Лондон синоќа.
Тој беше човек кој на многу начини ги допре нашите животи. Ѝ даде вистинско значење и порака на нашата музика. Исто така тој беше и прекрасно човечко суштество со време за сите и мудрост која беше длабока и достапна во исто време. Беше чест, и секако, вистинско задоволство да се работи со него. Тој беше брилијантен текстописец, диџеј, будист, величествено сценско присуство, љубител на коли, неуморлив говорник, прекрасна личност, морален компас и гениј, напишаа неговите колеги од бендот преку неговиот инстаграм профил.
Фејтлес се сметаат за едни од пионерите на денс музиката, а нивните хитови „We Come One“ и „Insomnia“ ги вивнаа на врвот на светските топ листи.