Во Салонот Империјал 2 при Културно информативниот центар во Скопје вечерва ќе биде промовирана книгата „Пандемија и постхуманизам“, од проф.д-р Иван Џепароски.
Книгата на Џепаровски кој е професор по филозофија, но и естетичар и теоретичар на културата, претставува една од првите вакви објави кај нас. Во неа се анализираат прашања поврзани со промените што се случуваат во нашата актуелна стварност, но и на глобален и локален план. Фокусот е на релациите помеѓу пандемијата на Ковид-19, од една страна и на постхуманизмот и трансхуманизмот, од друга страна.
Промотори на книгата , што ја објави Книгоиздателството МИ-АН, ќе бидат Наташа Аврамовска и Мишел Павловски. На промоцијата ќе настапи и Билјана Петровска, на пијано.