Добитници на државнaта награда „11 Октомври“, годинава се поетесата Линдита Ахмети, писателот Томислав Османли и ликовниот уметник Мицко Јанкуловски. Тие ќе ги добијат како признанија за животно дело во областа на културата и уметноста. Постхумно, награда „ 11 Октомври“, ќе биде врачена и на семејството на невропсихијатарот проф. д-р Методи Чепреганов, за неговиот придонес во областа на науката. Зад овие одлуки стои Одборот за доделување на државата награда „ 11 Октомври“, а одлуките ги соопшти Министерството за култура.
Наградата на добитниците ќе им биде врачена на 11 октомври, во 12 :00 часот во Собранието на Македонија.
Претседател на Одборот за државната награда „11 Октомври“ е Џевдет Хајредини.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.