Со настан од третото издание од литературната манифестација „Поетски Вавилон“ Друштвото на писателите на Македонија ја одбележи 75-годишнината. На манифестацијата настапија 30 автори од повеќе генерации, различни поетики и на повеќе јазици на кои создаваат авторите или имаат преведени творби. Преплетот на повеќе јазици ја симболизира Вавилонската кула за настанокот и мешањето на јазиците во мугрите на човештвото. Во рамките на манифестацијата беа доделени признанија „Поетски Вавилон“ на највозрасните поети – членови на ДПМ: Бистрица Миркуловска и Александар Поповски.