Веста за писмото на СПЦ до Вселенската патријаршија, го затекна премиерот во дворот на црквата Сан Клементе во Рим, каде се наоѓа и гробот на Свети Кирил. По честитките со црковната делегација, која претпладнево одржа молебен за светителот, следеше честитка и до православните верници дома.
Во работниот дел од посетата на Рим, премиерот попладнево се сретна и со својот италијански колега, Марио Драги, кој нагласил дека, преговорите за влез на Македонија во ЕУ треба да завршат со итно отворање. Неизбежен дел од разговорот била и идејата на Макрон за создавање на „втора европска лига„, создадена од држави кои се долго време на европската листа на чекање.
Италија, според премиерот, е важен политички и економски партнер на Македонија, со трговска размена од 738 милиони долари.
Од Рим се јавува Далиборка Демјанска Цветановска
