Од Рим ништо ново. Нема напредок по средбата на премиерите на Македонија и Бугарија, кои ја искористија посетата на Ватикан за да поразговараат и за отворениот проблем меѓу двете земји. Нама нови услови, но ниту конкретен договор.
Ковачевски вели и дека не треба да се врзуваме за датуми, па ниту за Самитот на ЕУ во јуни.
И Петков за бугарските медиуми изјавил дека не се обврзуваат на рокови. Важно е, вели, да има дијалог, а единственото на што се обврзале е да држат добар тон во разговорите. Двајцата премиери денеска имаа аудиенција кај папата Франциск. Ковачевски беше придружуван од ќерка му, министрите и црковна делегација. Потоа ја посетија базиликата Санта Марија Маџоре, во која се осветени книгите на браќата Кирил и Методиј. Работните средби продолжуваат утре, со средбата со италијанскиот премиер.
Од Рим известува Далиборка Демјанска Цветановска
