Со авотмобили и автобуси, Бугарија евакуира околу 200 лица од Украина. Најголемиот број се бугарски државјани, но има и американски, украински и македонски државјани, еден од Грузија, како и персоналот на бугарската амбасада во Киев и генералниот конзулат во Одеса. Овие инфоормации ги соопшти бугарската министерка за надворешни работи Теодора Генчовска на вонреден брифинг. Таа посочи дека е во постојана комуникација со македонскиот министер Бујар Османи за помош при извлекувањето на македонските државјани. Бугарското министерство потсетува дека вчера им помогнале на 22-ца македонски државјани на украинско-молдавската и на романската граница и дека двајца ја напуштиле Одеса со автобус.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.