Евроамбасадорот Дејвид Гир им порача на пратениците да не го злоупотребуваат институтот „скратена постапка“ и предзнакот со европско знаменце во предлагањето на законите. Собранието мора да биде функционално, блокадите да се надминат а власта и опозицијата треба повеќе да соработуваат.
Вие мора да придонесете да се засили демократијата и владеењето на правото во државата.Потребно е веднаш да го ревидирате Изборниот Законик, да не се злоупотребува европското знаменце и да има помала употреба на закони по скратена постапка. Парламентот мора да ја засили својата улога и да има конструктивен дијалог меѓу партиите.Соработка мора да има. Треба да се создадат услови за фер и транспарентна постапка при приемот во Академијата на судии и јавни обвинители а мора да се забрза и развојот на зелената агенда без која земјата не може да напредува, изјави Гир.
Власта и опозиција не признаваат грешки во работењето а за опструкциите и блокадите во законодавниот дом се обвинуваат меѓусебно .
Говорејќи за извештајот на Европската Комисија за Македонија. Вицепремиерт Маричиќ рече дека нашата земја има најголема подготвеност по кластери од земјите во регионот, а формалниот почеток на пристапните преговори ќе даде поттик за спроведување на реформите со забрзана динамика.
Јулијана Пешевска
