ИСПРАВКА: По синоќешната објава на telma.com.mk за повреден човек во близина на постојката на ЈСП кај општина Кисела Вода, полицијата испрати сопштение од билтенот за несреќата во кој стои дека нема повреден пешак туку во сообраќајката е повредена двојка по удар со автомобил во канделабра.
-На 29.01.2022 во 23.30 часот на ул.„Борис Трајковски“ во Скопје патничко возило „мерцедес“, со скопски регистарски ознаки, управувано од Д.А.(47) од Скопје удрилo во канделабра. По незгодата, Д.А. и неговата сопатничка А.А.(44) од Скопје биле пренесени во Градска општа болница „Св.Наум Охридски“ каде од страна на доктор им биле констатирани повреди. Увид на местото извршила екипа од СВР Скопје, објавија од МВР.
Според жители од тој дел на Скопје, кои ги пратија фотографиите на Телма, сообраќајната незгода се случила околу 23 часот кога по силен удар забалежале човек кој лежи на коловозот.
Повредениот лежеше на асфалтот на Булеварот Борис Трајковски, на коловозната лента која води кон центарот на Скопје.
Повеќе присутни граѓани му помагаа и беше повикана Итна помош. Присутните цело време ги пренасочуваа и ги предупредуваа автомобилите кои се движеа од Кисела Вода кон Центар за да не го удрат повредениот.
Тој остана на асфалтот и никој не го помрднуваше затоа што на тој начин можеа да му ги влошат повредите.
Неколку минути по ударот, пристигна тим на Итната помош, а по првична укажаната медицинска грижа, повредениот е префрлен во една од скопските болници.
Автомобилот кој го повреди по ударот заврши во бандера во близина на местото на сударот.
Полицијата денеска соопшти дека имало двајца повредени (маж и жена) и дека биле повредени по удар во канделабра со сопствено возило без објаснување зошто еден повреден лежеше на улица надвор и подалеку од автомобилот.
Градските автобуси наместо по тетовските улици, гаражирани, а јавното претпријатие во застој