Централното претседателство на Алтернатива бира прв човек во здравството, министри, заменици и директори на позициите кои лидерот Африм Гаши ги договори со Зоран Заев.
Вечерва ќе се знае дали стоматологот Беким Сали ќе го замени Венко Филипче или некој друг од редовите на Алтернатива.
Телма дознава дека никој од актуелните пратеници нема да е на министерско или директорско место. Тоа значи дека и Гаши нема да е дел од Влада.
Актуелни пратеници на Алтернатива се: Африм Гаши, Сафије Садики-Шаини, Скендер Реџепи и Хусни Исмаили.
Алтернатива одлучува кој ќе седне во министерските фотелји во здравство и информатичко општество, но и кој ќе биде министер без ресор задолжен за дијаспората.
Партијата ќе бира 47 идни фукционери во реконструираната Влада. На позициите, најверојатно, официјално ќе бидат назначени во вторник.
Скендер Реџепи пред почетокот на Централното претседателство им порача на новинарите да бидат потрпеливи.
Билјана Николовска со најновите информации се јави во Вестите на Телма во 18.30