Македонија Топ вести

За 400 денови автобусот на Беса транс границата ја поминал 135 пати без важечка лиценца

Со лажна лиценца, автобусот во кој загинаа 45 патници на Беса транс минувал граници и превезувал патници. За превозот на патници користел лиценца од друг автобус, кој припаѓал на компанијата Беса транс.

Изводот од лиценца со бр. 22679 што се јавува во електронскиот систем на Царинската управа, а кој бил користен од опожарениот автобус при излез од земјата, е број на извод од лиценца на друго возило, со други регистарски таблички, исто во сопственост на превозникот Беса транс, изјави министерот за транспорт и врски Благој Бочварски.

Автобусот бил стар 14 години, бил во исправна состојба и имал важечка регистрација. Но, иако ги немал потребните лиценци, автобусот слободно ги минувал границите. Дури 135 пати за 15 месеци.

Предметниот автобус во 2020 година во 22 случаи има остварено влез и излез од државата, додека во 2021 има остварено 113 преминувања на државната граница, изјави министерот за внатрешни работи Оливер Спасовски.

И двајцата возачи на автобусот не биле вработени во Беса транс, а едниот од нив лани во септември му истекло важењето на сертификатот.

Инспекторатот за транспорт дури денеска успеа да влезе во Беса транс да направи вонреден инспекциски надзор. Четири дена по несреќата, инспекторите успејаа да влезат во канцелариите на фирмата, откако вчера биле недостапни и во седиштето на Беса транс, во Рашче и во скопските агенции.

Сотир Трајков

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

Убиство на гостиварско Дебреше – застрелан помлад жител на селото

Дејан Дејан

Собранието ги изгласа 20-те предложени заменици министри

Дејан Дејан

На 2 август во „Прохор Пчински“ – Силјановска и Вучиќ се договориле за заедничка посета на манастирот за Илинден

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе