Пожарот над Кочани е под контрола и нема опасност за куќите, но не е локализиран, вели директорот на Центарот за управување со кризи Стојанче Ангелов. Пожарот го гасеа 400-тин луѓе, а покрај пожарникарите од Кочани, Виница, Штип и Македонска Каменица, помагаа и луѓе вработени во локалните самоуправи обучени за интервенции во вакви ситуации. Им помагаше и армискиот хеликоптер, кој делуваше се до стемнување. Според Ангелов, во моментов и во текот на ноќта останува еден малч разгорен дел во непристапниот дел од теренот. На него ќе се внимава во текот на ноќта, и со гаснење ќе се продолжи веднаш штом ќе се раздени.
На планината гори борова шума, а покрај високите температури дополнително ситуацијата ја влошува и ветерот. Локалните жители раскажуваат како се случил пожарот. Се сомневаат дека е предизвикан од гром.