Повеќемесечниот дијалог меѓу партиите и експертите за менување на изборната регулатива даде само еден резултат: сите се согласни дека забелешките на ОБСЕ/ОДИХР треба да се внесат во закон. Министерството за правда согледало дека за другите прашања ќе биде потребно повеќе време.
ВМРО-ДПМНЕ бара мнозински наместо пропорционален модел.
За Алијанса-Алтернатива, оптимален број на изборни единици е осум.
Алијанса, СДСМ и ДУИ се за отворени листи уште на овие локални избори, како тест за парламентарните, но не прифаќаат условување од ВМРО-ДПМНЕ.
На дискусијата организирана од Цивил, ДИК потврди дека течат подготовките за гласање со фингерпринт. Ќе се набават хардвер, софтвер и 4.000 апаратчиња. Се бара решение и за евентуални проблеми на гласачкото место.
Гласањето со отисок од прст прв пат ќе се примени на локалните избори во октомври. Со закон е овозможено МВР да му ги предаде на ДИК базите со податоци за имињата, адресите, фотографиите и отисоците на сите гласачи запишани во Избирачкиот список.
Соња Николовска