Бугарскиот претседател Румен Радев, денеска изјави дека Македонија и Бугарија немаат потреба од псоредници за решавањето на спорот, кој според него треба да се решава врз основа на историските документи.
Во изјавата дадена за новинарските екипи во Рим, каде заедно со македонскиот претседател , Стево Пендаровски, учествува во прославата на денот на сесловенските просветители Кирил и Методиј, Радев потенцираше дека решавачките чекори за надминување на спорот не може да ги донесат европските престолнини па од таму да се врши притисок врз бугарските власти.
“Немаме потреба од посредници, никој подобро од нас не ја знае нашата историја. Од нас зависи, од конструктивен дијалог врз основа на историски документи и извори. Комисијата ќе работи, ние мора на политичко ниво да ги направиме неопходните чекори. Овие чекори не поминуваат низ другите европски метрополи и оттаму за да се изврши притисок врз Бугарија – во никој случај. Вистинскиот чекор е еден – во Софија. Тогаш сите проблеми ќе бидат решени. Ние мора да најдеме одржливо решение” – изјави Радев.