Третиот бран на коронавирусот го наполни и штипскиот Ковид центар. Пред неколку дена половина од болничките кревети беа празни, но со зголемувањето на бројките и ширењето на британскиот сој денеска има само два слободни кревети. Активирано е и Кожното одделение, а за една недела се очекува и отварање на модуларната болница, која ќе има 47 кревети.
Штипскиот Ковид центар за само три дена од полупразен болнички капацитет се наполни со пациенти, со тешка клиничка слика. Од утринава имаат само два слободни кревети, а се активираше и Кожното одделение. Здравствените работници од денеска ковид пациентите ги лекуваат на три одделенија.
Според Ѓеорѓијев притисокот за болнички третман е очекуван, по бројките на новозразени во источниот регион. Очекува час поскору да се отвори и модуларната болница, со што ќе се добијат дополнителни 47 кревети.
50 здравствени работници се ангажирани за третман на пациентите, имаат и помлади , но доминираат оние повозрасните, кои се јавуваат во тешка состојба. Во Кочани, ковид пациентите се целосно префрлени во новиот модуларен објект и од 29 кревети исполнети се 15 од кои 11 се на кислородна подршка. Во Штип засега состојбата со училиштата и градинките е под контрола, а дневно во Центрот за јавно здравје се прават над 40 тестирање за корона вирус.
Викторија Јованова Димитрова