Пролонгирање на испораките на стока, губење време и зголемени трошоци. Ова се само дел од забелешките на транспортерите коишто со часови остануваат заглавени на граничниот премин Богородица-Евзони. Во меѓупросторот се насобираат голем број домашни, но и странски транспортери.
Одлуката на грчките власти предвидува редукција во протокот, затворен премин во текот на ноќта но и тестирање на транспортерите. Ќе трае до 15 март
И Дурим Зекири од Северозападната комора смета дека ваквите одлуки се штетни и дека освен финансиски предизвикуваат и логистички отежнувања.
Претседателот на Стопанската комора, Бранко Азески испратил писма до претседателот на унијата на грчки комори, но и до премиерот Заев, прашањето за непречено движење на транспортерите да стане приоритет и тие да можат да се движат.
Азески вели дека за македонските компании солунското пристаниште има првостепено значење, како пристаниште кое е природен пат за пристигнување на стоката наменета за нашата земја и кое поради близината има пониски транспортни трошоци за превоз на стоките до Македонија во однос на другите пристаништа во соседните земји. Годишно, преку солунското пристаниште минуваат речиси 1 милион тони стока наменети за РСМ или од неа и транзитираат најмалку 25.000 контејнери зразени во TEU-единици.
Сузана Мицева