Премиерот Христијан Мицкоски најави дека од понеделник се очекува намалување на цените на горивата, при што бензините би поевтиниле за околу четири денари, а дизелот за околу седум денари по литар.
Тој изјави дека очекувањето се базира на тековни калкулации и движењата на светските пазари, посочувајќи и на влијанието на вредноста на доларот.
Според него, стабилизацијата на цените може да дојде по најавите за мировни преговори меѓу САД и Иран, кои би можеле да влијаат на глобалниот енергетски пазар.
Мицкоски додаде дека процесот на стабилизација нема да биде брз, бидејќи цените на нафтата зависат од повеќе фактори, вклучително и транспортот и динамиката на испораките на светските пазари.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.