Еколошката свест и зачувувањето на животната средина мора да биде многу повисоко на владината агенда, институциите мора да имаат поголем пристап до средства и да се подобро екипирани а треба да се работи на транспаранетноста и вклучивање на невладиниот сектор. Ова се само дел од заклучоците од денешната консултација за работата на Секторската работна група за животна средина и климатски промени.
Екологијата не била ниту е приоритет на Владата а граѓанитенемаат никаква еколошка свест и мора да се едуцираат, смета претставникот на делегацијата на ЕУ, Никола Бертолини.
Невладининиот сектор кој ја следеше работата на секторската работна група со низа забелешки.
Министерот за екологија Насер Нуредини кажа дека граѓанските организации имаат отворена врата во министерството кое го раководи и најави поголема транспарентност. Тој најави дека заедно со МАНУ се изготвува закон со кој би се намалиле штетните емисии на гасови но и дека е обезбеден кредит од 105 милиони евра наменет за менаџирање на отпадната вода и водата за пиење и третирање на отпадот
Животната средина и екологијата се во поглавјето 27 од преговорите со ЕУ и имаат исто значење и важност како и корупцијата и реформите во судството. Токму затоа неодамна беше усвоена и „зелената агенда“ за Западниот Балкан со која треба да се подобри состојбата во Македонија и соседните држави.
Огнен Чанчаревиќ