Поранешниот пратеник и претседател на Сојузот на Ромите, Амди Бајрам попладнево беше погребан на муслиманските гробишта во Бутел. Тој беше позитивен на Ковид 19, како што соопшти синоќа Министерството за здравство, но имал и други тешки заболувања.
Од скопскиот Центар за јавно здравје соопштија дека во тек е епдемиолошка анкета на семејството Бајрам и очекуваат сите негови роднини кои беа на свадбата во Истанбул да одат во изолација. Иако неговата партија ги повика неговите прврзаници најпрво во Али пашината џамија и покрај апелот на здравствените власти да не се прават големи собири заради опасноста од ширење на коронавирост, во џамијата денеска никој не дојде.
Но голем број луѓе дојдоа во неговиот дом, каде што немаше пристап за медиумите, а потоа голема колона возила се упатија кон гробиштата. Амди Бајрам не беше погребан ниту во Алејата на великаните на гробиштата во Бутел, како што најавија од Сојузот на Ромите, туку негово последно почивалиште се муслиманските гробишта.