Загрижува трендот на поблагата казнена политика за сообраќајки со смртни последици последниве години, оценуваат правните експерти. Се разбранува и пошироката јавноста по условна пресуда за Васил Чорбаџиев кој поминувајки на две полни линии кај Млечен, предизвика сообраќајка во која животот го 32 годишниот Гоце Димитриевски а неговата бремена сопруга го загубил плодот и се здоби со тешки телесни повреди. Граѓани до редакцијата на Телма алармираат дека и во други сообраќајки со смртни последици судот пресудувал условни казни. Експертите посочуваат дека при поголема застапеност на овие кривичните дела, државата треба ја заостри казнената политика за да ги превенира.
За кривичното дело за кое се гони Чорбаџиев законодавецот предвидел од 1 до 5 години затвор, судот изрекол условна. Без многу детали и објаснувања од судот посочија дека по кое дело ке одговара некој одлучува обвинителството а за пресудата во само една реченица објаснија дека е донесена по признание на вина и врз основа на сите олеснителни и отежителни околности.
Сопругата на починатиот Гоце Димитриевски, вчера поднесе претставка до судскиот совет за судијката Елена Илиевска Јосифвиќ и побара нејзино разрешување наведувајки ги сите забелешки. Најави претставка со Советот на јавни обивнители и за обивнителката, бидејки поднела обивнение во кое тврди дека Чорбаџиев делото го сторил од небрежност и поради пристрасност.
Елена Мукоска
