Невреме со силен ветар денеска околу 13 часот го зафати градот Делчево. Ветарот успеа да откорне неколку лимени покриви, меѓу кои и на една од зградите во центарот на градот.
Во моментот на паѓањето на покривот немаше случајни минувачи и автомобили, освен еден граѓанин кој во тој момент поминувал од спротивната страна спрема зградата каде падна лимениот покрив.
Поради врнежите од дождот во моментот ветрот стивна и е со послаб интензитет. Освен паднатите лимови од кровните конструкции од силниот ветар настрадаа и повеќе кабли поставени на пониските бандери, како и ќерамиди на куќите од повисоките делови на градот.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.