Фестивалот Охридско лето започнал на 4 август, 1961 година, со настап на примадоната Ана Липша Тофовиќ, во црквата Света Софија. Во нејзина чест, на денот на роденденот , отворањето на 60 издание , ќе биде со солистички настапи во пијано придружба, на уметници од Италија, Србија и Црна Гора. Ќе бидат применети меѓународни протоколи за заштита од Ковид- 19, со присустно на 400 од можните 1700 посетители, колку што собира Античкиот театар. Мерење темпратура, носење заштитни маски, седење на растојание и преку еден ред, влегување и излегување преку коридори, се заштитните мерки за публиката. А, протоколи се предвидени и за уметниците и за организаторите на фестивалот.
Горда сум што „ Охридско лето“, уште еднаш покажа дека и денес има тим кој може да се справи со сите предизвици. Тим за кого е најважна успешната реализација на програмата и задоволната публика. Само така се гради брендот на една врвна институција, како што е „ Охридско лето“, изјави директорката на „Охридско лето“, Наташа Поповиќ.
Богатата музичка програма, со странски и домашни музичари, вклучува концерт на наши истакнати инструменталисти со гитарскиот виртуоз Влатко Стефановски и настапи на Келтскиот гудачки секстет од Германија, Саксофон квартетот Фукио од Шпанија, мецосопранот Викена Каменица од Албанија, „ Готските гласови“ од Велика Британија и гитаристот Петрит Чеку од Косово, со хрватска адреса. За сега, никој од странство не го откажа настапот поради пандемијата, потенцира селекторката на музичката програма.
За сега се е во ред. Меѓутоа , затоа и реков, се надевам дека до крајот на фестивалското издание, да се надеваме , заради овој вирус нема програмата да трпи никакви промени, вели селекторката на музичката програма Даница Стојанова.
Драмската програма, селектирана од Александар Поповски, се менувала поради сутуацијата со Ковид- 19. Планираните странски гости отпаднале, а изборот е фокусиран на изведби од 5 домашни театри и премиера на претставата „ Полковникот птица“ , во продукција на театарот од Гостивар. Покрај Антички театар, фестивалските содржини ќе се изведуваат и на сцените на Долни Сарај и во предворјата на црквите Света Софија и Света Богородица Перивлепта, со пополнување 50% од капацитетот. За 6 децениското постоење на „ Охридско лето“, ќе биде промовирана монографија од Снежана Анастасова Чадиковска и Роза Нолчева.
Сотир Трајков